Кітапхана оқырмандары Балалар кітабы апталығының аясында сүйікті кітаптар туралы ой бөлісу үшін «ВТеме» TableTalk атты кітапқұмар балалардың кездесуі болды. Іс – шараның мақсаты кітапсыз өмір сүре алмайтын жасөспірімдердің басын қосу. Қатысушы балалар әдебиеттің басты трендтерін талқылап, кітапхана қорындағы жаңалықтармен танысты.

25 наурыз кітапханамыздың оқырмандары үшін ерекше күн болды.
Балалар жылы және Балалар әдебиеті жылы аясында кітапханада ақын, жазушы, Қазақстанның еңбек сіңірген қайраткері Сәуле Досжанмен кездесу кеші өтті.
Кездесу кешіне жазушы, журналист, өлке тарихын зерттеуші Төрехан Майбас; «Bolashaq» академиясының қазақ тілі мен әдебиеті кафедрасының меңгерушісі; ф.ғ.к, профессор Құрманғазы Сембиев; суретші, «Невада-Семей» ядроға қарсы халықаралық қозғалыстың белсендісі, С.Досжанның «Қасірет пен тағдыр» кітабының мұқабасында бейнеленген картинаның авторы Кәріпбек Куюков және Қарағанды қаласының мектеп оқушылары, колледж студенттері қатысты.
Кеш барысында оқырмандар сүйікті жазушыларына сұрақтарын жолдап, сүбелі сұхбат өрбіді. Сәуле Досжан әр сауалға тұщымды жауап беріп, шығармаларының кейіпкерлерін өз өмірінен алатындығына тоқталды. Кеш соңында сыйлы қонаққа тарту табысталды. Сәуле Досжан да оқырмандарын құрметтейтінін айтып, кітапхана басшысына, ұжымына алғысын білдіріп, авторлық кітабын тарту етті.

Наурыз айының 24 күні «Мың тағзым саған, кітап!» атты балалар кітабы апталығының ашылуы өтті.
Балалар мен ересектер ашылу салтанатының басты қонақтары болды. Әр қатысушы мерекелік іс-шараға өзінің шығармашылығымен және көтеріңкі көңіл-күйімен келді.
Шара барысында Тәттімбет атындағы Қарағанды өнер колледжінің «Көпшілік театрландырылған қойылымдардың режиссері» бөлімінің студенттері дайындаған Самуил Маршактың «Кітапша туралы кітап» өлеңі бойынша театрландырылған қойылым көрсетіп және «Қуаныш» үлгілі хореографиялық ансамблінің «Пингвиндер» биін биледі. Оқырман балалар кітап және кітапхана туралы өлеңдерді мәнерлеп оқыды.
Апталық аясында балалар мен оқырмандарды ақын-жазушылармен кездесулер, тақырыптық квесттер мен квиздер, кеңінен танымал кітаптарды талқылау (table talk), фильмдер мен мультфильмдер көрсетілімі және т.б. күтуде!

Қазақтың ұлттық ойындарының бірі – асық ойыны. Бұл ойын ертеден мал шаруашылығымен айналысқан ата-бабаларымыздың қолданысында келе жатқан көне ойын түрі. Ұлыстың ұлы күні – Наурыз меркесіне орай кітапханамызда «Асық party» сайысы өтті. Жасөспірім балалар асық туралы мағлұмат алып, асық ойынының түрлерімен танысты. Ұлдар өзара сайысқа түсті. Әр қатысқан қатысушыға шағын сыйлық тарту етілді.

«Көңілді ағылшын» үйірмесінің кезекті сабағы «Clothes. Киімдер» тақырыбында өткізілді. Балалар «What are you wearing?» қызықты ойынын ойнап, үстіне киген киімдерді ағылшын тілінде әңгімелеп айтып берді. Сабақ соңында балалар тақырыпты пысықтау мақсатында «Today I am wearing clothing» әнін айтты.
Балалар үшін сабақ қызықты өтті.

«Наурыз шуағы» тұжырымдамасы аясында кітапханада «КИІЗ ҮЙ» этноконструкторын жинаудан тренинг өтті.
Іс — шараның мақсаты – ұлттық құндылықтарымызды жандандыру, ата-бабаларымыздан қалған асыл-мұраны сақтауға, қастерлеуге шақыру.
Шара барысында кітапханашы балаларға киіз үй туралы жан-жақты мәлімет беріп, жүйелі түрде киіз үйдің құрылысы және жабдықтарымен таныстырды. Балалар киіз үйді құрастыруға қуана атсалысты. Тренингке «№2 арнайы мектеп-интернаты, №63 ЖББМ-тің 1 «а» сынып оқушылары қатысты.

Наурыз айының 14 күні №12 ЖББМ-тің 11 «А» сынып оқушыларының қатысуымен кітапханада экскурсия ұйымдастырылды. Балаларға кітапхана залдарын аралау, кітап қорымен және көрмелермен танысу ұсынылды, сонымен қатар кітапты пайдалану ережелері, онлайн көрсетілетін қызметтер, үйірме және клуб жұмыстары туралы айтылды.
Зор қызығушылықпен балалар журналдарды қарап, бір-бірімен алған әсерлерімен бөлісті. Экскурсия соңында балалар кітапханаға жиі келетіндерін айтып, кітапхана ұжымына жақсы тілектерін білдірді.

Наурыз мейрамы – көктем мейрамы және Орталық Азия халықтарынның жаңа жылы. Бұл мереке бірнеше жылдан бері аталып келеді. Мереке қарсаңында кітапханада «Нұр себеле, Ұлыстың ұлы күні» этновитражы ұйымдастырылды. Оқырмандарға қазақ халқының салт-дәстүрлері, әдет-ғұрыптары, жоралғылары, ойындары туралы түрлі тұрмыстық заттары бар кітаптар ұсынылды.
Этновитраж Наурыз мерекесінің ерекшеліктері – көктемгі күн мен түннің теңелу күні туралы білімді кеңінен насихаттауға бағытталған.

«Кел, қазақша сөйлейік!» үйірмесінің кезекті сабағында балалар жемістер мен көкөністердің қазақша атауларын айтып үйренді.
Жемістерге: алма, алмұрт, жүзім, шабдалы, өрік, шие.
Көкөністерге: картоп, қызылша, пияз, сәбіз, қияр, қызанақ т. б. жатады.
Сабақ соңында үйірме жетекшісі балаларға жемістер бақшада яғни ағашта, ал көкөністер бақта өседі деп түсінік беріп өтті.
Жемістер мен көкөністердің құрамында көптеген дәрумендер бар.
Көкөністерді тұқым себу арқылы өсіреміз көктем айында. Күз айында жинап аламыз.

Біздің оқырманымыз, №15 мектептің 7-сынып оқушысы Асанәлі Арун «Сөредегі ғажайып кітаптар» атты жеке авторлық кітап көрмесін жасауға қатысты.
Авторлық кітап көрмесі — бұл оқырманның өзіндік визит кәртішкесі, оның көмегімен ол өз құрдастарына әртүрлі жанрдағы қызықты кітаптарды оқуды ұсына алады. Асанәлі кітап оқығанды өте жақсы көреді және өзінің кітап оқуда нені ұнататынымен бөлісті.