19 қараша күні «Қызықты ғылым» кітапханалық зертхана аясында «Перғауын жыланы» атты шеберлік сыныбы өтті. Химиялық қоспалар, кальций глюконаты мен құрғақ жанғыштың қосылуынан өте қызықты тәжірибе болды. Балалар мен ата-аналар химиялық қоспалардың әр қайсысының өзіндік ерекшеліктерімен таныс болды.
Өткізілген зертханалық тәжірибе қарапайым және қауіпсіз, балалардың бақылау, салыстыру, жалпылау, қорытынды жасау дағдыларын дамытуға бағытталған. Оқушыларға ата-анасымен және достарымен дәл осындай тәжірбиені үйде жасауға ұсынылды.
Зертханалық тәжірибе соңында қызықты химия бойынша кітаптар мен журналдарға тақырыптық шолу жүргізілді.

16 қарашада Абай атындағы балалар кітапханасында сөйлесу үйірмесінің алғашқы сабағы өтті.
«Speakingclub» дегеніміз не? Бұл жай ғана қарым-қатынас жасау емес, бұл нағыз клуб, онда негізінен ауызекі тілде сөйлеу. Бұл қызығушылықтар мен кездесулер клубы, балалар жайлы ортада достар табады, араласады және көптеген қызықты нәрселерді үйренеді.
Бірінші сабағымызда оқушылар бір-бірімен танысып, өздері туралы қызықты деректер айтты, сабаққа белсенді түрде қатысып, тек ағылшын тілінде сөйлесті.

Кітапханада 12 қараша күні балалар жазушысы, ақын Қастек Баянбаевтың туғанына 85 жыл толуына орай «Еркеме-Ертегім» аты әдеби кеші өткізілді.
Балаларға Қ.Баянбаевтың өмірі мен шығармашылығы таныстырылып, С.Сейфуллин атындағы гимназияның оқушылары ақынның өлеңдерін оқып, жұмбақтар шешті.
Аталмыш шарада балалар Қ.Баянбаевтың «Көзілдірікті қоян » өленің желісі бойынша «Қазақфильм» киностудиясында түсірілген мультфильмді көріп тамашалады.

«Кел, қазақша сөйлейік!» үйірмесінің кезекті сабағы «Табиғат мезгілінің өзіндік ерекшеліктері» тақырыбында өтті. Үйірмеге кітапхананың тұрақты оқырмандары Абиев Даниил, Айткулов Алькарим қатысты.
Балалар сабақта қыс, көктем, жаз, күз мезгілдерімен танысып, суреттерді қарап әңгіме құрастырып үйренді.

«Шуақ» балалар шығармашылық студиясында кезекті сабақ өткізілді. Атақты жазушы-натуралист Н.И. Сладковтың «Кірпі жолда жүгірді», кітабы бойынша балалар қолдағы бар материалдардан «Кірпі» аппликациясын жасады.

07 қараша, жексенбі күні «Көңілді ағылшын» үйірмесінің «Ойыншықтар» тақырыбында кезекті сабағы өткізілді.
Кітапхананың жас қызметкері Күміс Болатбекованың көмегімен балалар «Смешарики» мультфильмінің желісімен ойнау арқылы ойыншықтар атауын ағылшын тілінде айтып үйренді.
Бүлдіршіндерге арналған ойын сабақ ағылшын тілін үйренуге бағытталды.

Кітапхананың оқырмандар қатары №17, №86 жалпы орта білім беретін мектептің 5-6-сынып оқушыларымен толықты. Бұл мектептердің оқушылары кітапхана іс-шараларына белсенді қатысады.
Балалар дәстүр бойынша қызмет көрсету бөлімдеріне барды. Сондай-ақ ақын-жазушылардың мерейтойларына орай ұйымдастырылған кітап көрмелерімен танысты. Абонемент бөлімінде оқушылар қорға жаңадан түскен комикс және танымал фантаст-жазушылардың кітаптарын парақтап қарады.
Кездесу соңында тілек білдірушілер электрондық тіркеуден өтіп, әлеуметтік желілердегі кітапхана парақшаларына жазылды.

Жамбыл атындағы мамандандырылған мектеп-интернатының 5 сынып оқушылары күзгі демалысты тиімді пайдалану мақсатында кітапханаға экскурсияға келді.
Экскурсия барысында балалар кітапхананы пайдалану ережелерімен, балаларға арналған газет-журналдар, сондай-ақ кітапхана қорындағы ерекше басылымдар «Затерянные цивилизации 4D энциклопедиясы», К. Аниашвили «Большая детская 4D» энциклопедиясы және т.б кітаптармен танысты.
Кітапханашы балаларға «Бір ел – бір кітап» республикалық акциясы аясында ұйымдастырылған кітап көрмесіне шолу жасады. Экскурсия соңында балалар кітапханаға жиі келетіндерін айтып, кітапхана ұжымына жақсы тілектерін білдірді.

2021 жылдың 28 қазан күні «Жетістік формуласы» телевизиялық жобасының кезекті түсірілімі жоғары дәрежелі нейрохирург дәрігер, «Қазақстанның 100 жаңа есімі» жобасының жеңімпазы Мыңжылқы Бердіқожаевпен өтті. Мыңжылқы Сайлауұлы Алматы қаласындағы Орталық клиникалық ауруханасының нейрохирургия орталығының басшысы, денсаулық сақтау ісінің магистрі, 5000-ден аса сәтті ота жасап, пациенттердің ризашылығына бөленген жан.
Іс-шараға Н. Нұрмақов атындағы дарынды балаларға арналған облыстық мамандандырылған мектеп-интернаты, С. Сейфуллин атындағы гимназия, А. Байтұрсынұлы атындағы мектеп-гимназиясының жоғары сынып оқушылары және Қарағанды облыстық жоғары мейіргерлік колледжінің студенттері қатысты. Балалар мен қонақ арасындағы диалог көңілге жағымды, әсерлі өтті.
«Мыңжылқы үшін медицина қалай басталды?» – деген сауалға: «6- сыныпта оқыған кезде, бір себеппен дәрігерге қаралу керек болды. Отбасымыздың досы хирург болып жұмыс істейтін, Сол кісінің сөйлеу мәнері, тіл байлығы, өзін-өзі ұстауы, нақты диагноз қоя білгені мені таңқалдырып, өскен кезде дәрігер болсам ба деген арманыма негіз болды»,– деді Мыңжылқы Бердіқожаев.
Нейрохирургия-күрделі мамандық, әрі өте қызықты мамандық. Мыңжылқы Сайлауұлының медицинаның ішіндегі нейрохирургияны таңдауына нейрохирургияда жалпы хирургия сияқты қосымша травматологияның элементтерінің екендігі себеп болған.
Қонақ күрделі оталарға қатыса жүріп, ағылшын тілін өз бетінше қалай меңгергенін айтып барді:«2008 жылы А.Драгункиннің «Быстрый английский для энергичных лентяев» деген кітабықолыма түсіп, сол кітапты оқып, ағылшын тіліне қызығушылығым артты. Жалпы тілді меңгеру үшін 5 жылдай уақыт кетті. Германияға барғанда, шетелдік дәрігермен сөйлесу үшін 1 айдың ішінде ағылшын тілі деңгейін көтеру керек болды. Көп ұзамай ағылшын тілінде еркін сөйлеуді ғана емес, күрделі кәсіби терминдерді меңгеруге қабілетім жетті», – деді ол.
М.Бердіқожаевтың өмірде үлгі тұтатын тұлғалары ретінде хирургияны үйреткен ұстазы Шимон Маймон мен Германияның Эссен қаласындағы «Alfried-Krupp Krankenhaus» емханасының профессоры Рене Шапонды атап өтті.
Сұхбат барысында кез келген мамандық иесі болу үшін білімді болудың маңызды екендігін, еліне, жеріне деген патриоттық сезімнің жоғары болуын сөзге тиек етті. Мыңжылқы Сайлауұлы әлемді мойындатқан маман болса да, өз еліне, тіліне деген құрметін. Өмір ұстанымы екенін өз елімде, өз ұлтымды ана тілінде сөйлеп емдегінімнен ләззат аламын деген жауабы арқылы балаларға ой тастады.
«Жетістік формуласы» телевизиялық жобасының шарты бойынша қонақ өзіне ұнаған үздік сұрақтарды таңдап, оқушыларға естелік ретінде кітаптарды сыйға тартты.
Жоба ұйымдастырушылары Мыңжылқы Бердіқожаевқа А. Құнанбайұлының «Қара сөздері» кітабын және табыстылық пен танымалдықтың символы – «Жетістік формуласы» кәдесыйын табыс етті.

Қазақстан 2021 жылы қазақ педагогы – ағартушы, жазушы, фольклортанушы, қоғам қайраткері, ғалым – этнограф Ыбырай Алтынсариннің 180-жылдық мерейтойын атап өтеді.
28 қазанда кітапханада қала оқушылары үшін «Әлем балалық шақтан басталады» атты арнау кеші өткізілді.
Балаларға Алтынсариннің өмірі мен шығармашылығы таныстырылып, № 3 гимназия мен №63 жалпы орта білім беру мектебінің оқушылары оның өлеңдерін оқыды.
Тәттімбет атындағы өнер колледжінің режиссерлік бөлімінің студенттері тақырыптық қойылымдар көрсетті.
Іс-шараға қатысқандар Ы.Алтынсариннің шығармашылығымен, кітапхана қорындағы ол және оның шығармашылығы туралы әдебиеттермен танысты.